Қаржы пирамидасын басқарды деген күдікті ұсталды

167 млн теңгеден астам сомаға қырыққа жуық адамды алдады деген күдікті ұсталды. Бүгінге дейін Арменияда жасырынып жүрген әйел адам, елге экстрадицияланып, Ақтаудағы тергеу изоляторына қамалды. Ресми ақпаратқа сәйкес, 2019-2021 жылдар аралығында күдікті Қостанай облысындағы "Finiko" қаржы пирамидасының құрылымдық бөлімшесін басқарған.

Қылмыс жасағаннан кейін сырт елге қашқан. Күдіктінің айыбы толық дәлелденсе, мүлкі тәркіленіп, 5 жылдан 12 жылға дейін бас бостандығынан айырылады. 7 жылға дейін белгілі бір қызмет түрімен айналысуға тыйым салынады.