Шанхай ынтымақтастық ұйымы – Орта Азия аумағындағы әскери қауіпсіздіктің кепілі. Сондықтан Тәуелсіз Қазақстанның шекарасын шегендеуіне де ықпалы зор болды. Қостанайлық сарапшы осылай деп пайымдайды. Бұл ұйым әлемдегі алпауыт мемлекеттер арасында саяси- экономикалық тепе-теңдікті ұстап тұруға мүмкіндік береді.
Ресей мен Қытайға қырын қарайтын Еуродақ пен АҚШ, Қазақстанның осы ұйымға мүшелігіне және саммит өткізуге өз алаңын ұсынуына түсіністік танытады. Себебі біздің елдің екі алпауыт көршісімен қарым-қатынасын үзуіне болмайтынын біледі. Сонымен қатар Қазақстан тәрізді саяси текетіресте бейтараптық ұстанатын елді, келешектегі бейбіт келісімдердің ұйытқысы ретінде көреді.
Серікжан Исмаилов, Тарих ғылымдарының кандидаты:
Қазақстанның қазір мүмкіндігі бар, батыс пен шығысты біздің жерімізге шақырып, үлкен саммит өткізуіне болады. Және көптеген қарама-қайшылықтарды шешуге болады. Және бірнеше соғыстардың да мәселесін осында шешуге болады.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=ШЫҰ – Орта Азия аумағындағы әскери қауіпсіздіктің кепілі&mh_tags=Qazaqstan&mh_page=https://qazaqstan.tv/news/196106/)