Саммит жоғары деңгейде ұйымдастырылған - Шетелдік меймандар

Шетелдік меймандар ШЫҰ саммитінің жоғары деңгейде ұйымдастырылуын ерекше атап өтті. Тарихи оқиға деп бағалады. Жаһанда геосаяси тұрақсыздық артқан тұста бірқатар әлем лидерінің Қазақстанда бас қосып, маңызды мәселелерді талқылауы, шешімдер табуға ұмтылысының маңызына тоқталды.

Айше Суберкер, ТРТ World Журналисі:

«Әлемде геосаяси тәуекелдер, жанжалдар артқан тұста Шанхай саммитінің өтуі маңызды. Түркия секілді бақылаушы мемлекеттер де қатысып жатыр. Жақында Түркия президенті Режеп Тайып Ердоған ШЫҰ-мен ынтымақтастықты арттыруға ниет білдірді. Бұл еліміздің мүддесі үшін маңызды».

Игорь Курашенко, Russia Today Журналисі:

«Бұл саммитте тарихи оқиға болады. Беларусь ШЫҰ-ға мүше болады. Бұл ұйымды нығайта түсетін ірі жеңіс. Бұдан бөлек саммиттен күтеріміз көп. Сонымен бірге шараның жоғары деңгейде ұйымдастырылғанынын ерекше атап өткім келеді».