ШЫҰ құрлықтағы елдердің қауіпсіздігін қамтамасыз етеді

Қазақстан Шанхай Ынтымақтастық ұйымына жетекшілік еткен тұста, ұйым Біріккен ұлттар ұйымының функцияларын атқара алатынын дәлелдеді. Әсіресе, Еуразия контитенті үшін ұйым тек есірткі, терроризммен күресіп қана қоймай, энергетикалық, азық-түлік қауіпсіздігін қамтамасыз ете алатынын көріп отырмыз. Ресейлік ғалымдардың пікірі осыған саяды.

Виктория Перская, РФ Инвестициялар академиясының мүшесі, ғалым:

Қазақстанның рөлі, әрине, қазіргі жағдайда өте жоғары бағаланады, өйткені Қасым-Жомарт Тоқаев көреген дипломат. ШЫҰ 20 жыл бұрын континентте қауіпсіздікті қамтамасыз ету қажет болған кезде құрылды. Бірақ қазір әлеуеті өсті. Қазақстанда өтіп жатқан саммиттен нені аңғаруға болады? ШЫҰ құрлықтағы барлық елдердің қауіпсіз өмір сүруін қамтамасыз етуге бағытталғанын көріп отырмыз. Қазақстан Президенті айтқандай, өз қауіпсіздігінің есебінен басқа серіктестерге зиян келтірмей, тек өзара көпжақты диалог және серіктестік керек.

Индира Бегайдар