Алматыда бүгін кешке басталған жауын түн ортасына дейін жалғасуы мүмкін. Төтенше жағдайлар департаменті тау бөктері мен кейбір аудандарда су тасқыны болу ықтималдығын ескертті. Сондай-ақ, Қазгидрометтің мәліметінше, Үлкен және Кіші Алматы өзендерінде сел жүру қаупі бар. Ал жергілікті әкімдік су басуы мүмкін аумақтарға бақылауды күшейткенін хабарлады. Мамандар болса, тұрғындар мен қала қонақтарына тауға баруды кейінге қалдыруды сұрап отыр. Сондай-ақ, көлік жүргізушілеріне де автомобильдерін жол жиегіне қоймауға кеңес береді.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Мамандар тауға шықпауды ескертеді&mh_tags=Qazaqstan&mh_page=https://qazaqstan.tv/news/195939/)