Елімізде орман және табиғат қорғау қызметкерлерінің жалақысы өсті

Биылғы 1 шілдеден бастап орман және табиғат қорғау қызметкерлерінің жалақысы өсті. Осы мақсатқа алдағы үш жылдық бюджеттен 8,5 млрд теңге қарастырылған. Тиісті қаулыға Премьер-Министр қол қойды. Құжатқа сәйкес, орман өртін сөндіру стансаларының, орман мекемелерінің, табиғат қорғау және орман орналастыру ұйымдарының қызметкерлері лауазымдық жалақыларына 100%-ға дейін үстемеақы алады. Барлығы 3300-ге жуық қызметкер қамтылады. Орман өртін сөндіруші 1600-ден астам қызметкерге қосымша ақы төлеу жергілікті бюджет қаражаты есебінен жоспарланған. Еске сала кетейік, 2023 жылдың шілдесінде Мемлекет басшысы орман қызметкерлерінің жалақысына 100 пайыз үстемақы төлеуді тапсырған.

Ғабит Ұзақбай