Иранда президент сайлауы өтіп жатыр

Иранда бүгін Президент сайлауы басталды. Ең жоғарғы лауазымға 4 кандидат бақ сынап жатыр. Жергілікті уақытпен таңғы 8-де ашылған сайлау учаскелері кешкі 18:00-ға дейін жұмыс істейді. Елде 83,5 млн азамат дауыс беру құқығына ие. Сайлау нәтижесі маусымның 30-да белгілі болады. Кандидаттар сайлаушылардың 50 пайыздан астам дауысын жинай алмаса, алға шыққан екі үміткер екінші турға өтеді. Иранның болашақ президенті алдында елді экономикалық дағдарыстан шығару, жұмыссыздық, әйелдердің құқығын кеңейту және аймақтық шиеленістерді шешу міндеті тұр.

Айта кетейік, Президент сайлауы кезінде қауіпсіздікті 229 мыңнан астам тәртіп сақшысы қадағаламақ.