Жаңалықтарды Telegram арнамыздан оқыңыз!Бүгін өмірден ерте озған талантты журналист, саясаттанушы Рахат Мамырбек атындағы байқаудың қорытындысы жарияланды. Осымен екінші рет өткен додаға еліміздің әр өңірінен 43 мақала мен 21 видеоматериал келіп түскен. Арасында студенттердің де зерттеулері бар. Үміткерлер қазіргі саяси жүйенің көрінісі, азаматтық қоғам, өзге де саяси-қоғамдық тақырыптарды тереңірек қаузауға тырысқан. Бұл жолы әріптесіміз Ұлттық арнаның «Апта» сараптамалық бағдарламасының тілшісі Аманкелді Сейітханның да, еңбегі үздіктер қатарынан табылды. Оның тұрмыстық зорлық-зомбылық туралы материалы «Ең үздік видео» аталымында топ жарды.
Қасым Аманжол, Рахат Мамырбек атындағы байқауды ұйымдастыру алқасының мүшесі:
Былтыр біз «Видео», «Мақала» бойынша деп екі номинация бойынша ғана берген едік. Биыл оны кеңейттік. Әр «саяси видео» және «саяси мақала» номинациялары бойынша үш үштен 6 орынға жүлде тағайындадық. Бұл жүлденің ерекшелігі сонда бұл жерде осы қазақ журналистикасындағы, саяси журналистикадағы азаматтар үлес қосты.
