Израильде демонстранттар Нетаньяхудың отставкаға кетуін талап етті

Израильде үкіметке қарсы шеру тоқтамай жатыр. Демонстранттар премьер-министрдің үйіне дейін барған. Олар «біз ескерусіз қалдық, сайлау қазір өтсін» деп ұрандатып, Биньямин Нетаньяхудың қызметтен кетуін талап етті. Бұған қоса, шеруге шыққандар Хамастың кепіліндегі 120 тұтқынды босату туралы келісімге келуге шақырды. Елдің туын ұстап, барабан соққан мыңдаған адамды полиция барикадалар қойып, алға өткізген жоқ. Израиль әскері Газа секторында қарулы топқа қарсы күресіп жатқан тұста елде үкіметке қарсы шерулер жиілеп кеткен.

Арай Төлегенқызы