Кенияда шеру қайта басталды

Кенияда президент салық заңына қол қоюдан бас тартқанымен де, шерулер тоқтамай жатыр. Демонстранттар президент сарайын басып алуға талпынған. Бұған жол бермеу үшін полиция шеруге шыққандарға қарсы газ қолданып, резиденцияға апаратын жолдарды жапты. Елде жаппай тәртіпсіздіктің басталуына, биліктің салықты көтеру жоспары түрткі болған. Шеру полициямен қақтығысқа ұласып, 23 адам қаза тапты. Осыдан кейін Кения президенті Уильям Руто, құжаттың кемшін тұстарын жөндеу үшін парламентке қайтарып, жастармен диалог бастауға уәде берді. Дегенмен демонстрация әлі жалғасып жатыр.

Арай Төлегенқызы