Елімізде АЭС салуға қатысты референдум күзде өтеді

Елімізде атом электр станциясын салуға қатысты Жалпыұлттық референдум биыл күзде өтеді. Бұл туралы Президент Қасым-Жомарт Тоқаев мәлімдеді. Референдум туралы бұған дейін жолдауында және Ұлттық құрылтай кезінде де айтқан еді. Қазір бұл мәселе бойынша өңір-өңірде қоғамдық талқылаулар өтіп жатыр.

Қасым-Жомарт Тоқаев, Қазақстан Республикасының Президенті:

Экономиканы дамыту үшін тұрақты энергия көзі керек. Сондықтан мен атом электр стансасын салу мәселесін пысықтау туралы нақты тапсырма бердім. Қазір жан-жақты талқылау болып жатыр. Әртүрлі пікір айтылуда. Бұл үдеріске бұқаралық ақпарат құралдары да белсене атсалысуы керек. Шын мәнінде, елімізде атом энергетикасын дамытуға зор мүмкіндік бар. Оны дұрыс, яғни тиімді пайдаланған жөн. Осы мәселеге қатысты соңғы шешімді халық қабылдайды. Референдум биыл күзде өтеді. Үкімет нақты датаны айқындайды.

Досжан Маратұлы