Мальта Республикасымен байланыс нығая түспек

Мальта Республикасы Қазақстанның Еуро Одақтағы сенімді серіктесі. Еуропадағы қауіпсіздік және ынтымақтастық ұйымының іс басындағы төрағасы Мальта Республикасының Сыртқы, Еуропалық істер және сауда министрі Иан Борч Қазақстанға ресми сапармен келді. Екі ел арасындағы дипломатиялық қатынас 31 жыл бұрын орнаған. Содан бері экономикалық және мәдени байланыс артып, тауар айналымы өткен жылдары 250 млн долларға жеткен. Тараптар кең құрамда өткен кездесуде сауда-саттықты, туризм, көлік логистика және жер қойнауын пайдалану бойынша бірлесе жұмыс атқаруға уағдаласты.

Мұрат Нұртілеу, ҚР Премьер-министрінің орынбасары – сыртқы істер министрі:

Қазақстан азаматтары үшін Еуропалық Одақтың визалық режимін жеңілдету мәселесіне кеңірек тоқталдық. Біздің ойымызша оның оң шешілуіне сан қырлы байланыстардың дамуы зор серпінін тигізе алады.

Ғабит Ұзақбай