Жас спортшыларымыз VIII «Азия балалары» ойындарында бақ сынайды

Ресейдің Якутск қаласында Қазақстанның туы көкке көтерілді. Жас спортшыларымыз енді ертеңнен бастап 8-ші «Азия балалары» ойындарында шеберлігін сынайды.

Қазақстан – Якутск қаласында туы тұғырға ресми орнатылған 3-ші мемлекет. Кешенді жарыста биыл 25 елден келген спортшылар бақ сынасады. Шілденің 7-не дейін жалғасатын сайыста біздің 200-ден астам жас спортшымыз 21 спорт түрінен жүлдеге таласады. Жалпы, 8-ші «Азия балалары» ойындарында 24 спорт түрінен 239 медаль жиынтығы сарапқа салынады.

Қаракөз Тұрмағамбет