Президент Қасым-Жомарт Тоқаев «Ардагерлер ұйымы» төрағасының орынбасары Өмірзақ Озғанбаевты қабылдады. Кездесу барысында еліміздің дамуына және өскелең ұрпақ тәрбиесіне қатысты мәселелер талқыланды. Мемлекет басшысы аға буынды отбасы институтын дәріптеу ісіне, жастарды әлеуметтік кесел: нашақорлық, лудомания секілді дерттен сақтауға белсенді атсалысуға шақырды.
Өмірзақ Озғанбаев, «Ардагерлер ұйымы» қоғамдық бірлестігі орталық кеңесі төрағасының орынбасары:
Бүгін ел Президентінің қабылдауында болдым. Айтылған мәселелер ұрпақ тәрбиесі туралы болды. Ұрпақ тәрбиесі қай ел, қай халық үшін де өте маңызды мәселе. Қасым-Жомарт Тоқаев осы соңғы кездесулерде жастар тәрбиесін жетілдіру жөніндегі нақты бағдарлама, нақты жұмыстардың бағытын анықтап берді. Ендігі мәселе осы көрсетілген бағыттар, әсіресе жастардағы кесел болып есептелінетін мәселелерді қолға алып, осы бағытта жоспарлы, тиянақты, мақсатты жұмыс жүргізу болып табылады.
Самал Қабышева
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Өскелең ұрпақ тәрбиесіне қатысты мәселелер талқыланды&mh_tags=Qazaqstan&mh_page=https://qazaqstan.tv/news/195537/)