Таразда өндіріс орнынан өрт шықты

Өндіріс орнынан өрт шықты! Таразда түнгісін жоғары кернеулі трансформатор түгі қалмай жанып кетті.

Отқа оранған электромагнитті құрылғы металлургия зауытына тиесілі болған. Трансформатор ішінде 60 тонна май болғандықтан тілсіз жауды тоқтату қиынға соқты. Дегенмен 30-дан аса өрт сөндіруші шапшаң қимылдап, тілсіз жаудың зауыт ғимаратына таралуына тосқауыл болды. Сондай-ақ өзге тоқ реттеуші жабдықтарға да жалын жеткен жоқ. Әзірге оттың шығу себебі белгісіз. Шығын көлемі есептеліп жатыр.

Данияр Әлімқұл