Сауд Арабиясының Мекке қаласында қажылыққа барған 550-ден аса адам қаза тапты. Марқұмдардың көбі – мысырлықтар. Олардың өліміне аптап ыстық себеп болған. Қазір Меккеде сынап бағанасы плюс 52 градусты көрсетіп тұр. 10 мыңдай адам күн өтіп, медициналық көмекке жүгінген.
Биыл қажылыққа 1 млн 800 мың адам қатысып жатыр. Олардың 1 млн 600 мыңы Сауд Арабиясына басқа елдерден барған. Билік қажылыққа қатысушыларға қолшатыр ұстау, суды көп ішу және аптап ыстықта күнге шықпау туралы кеңес берді.
Арай Төлеген
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Сауд Арабиясының қажылық кезінде 550-ден аса адам қаза тапты&mh_tags=Qazaqstan&mh_page=https://qazaqstan.tv/news/195436/)