Жаңалықтарды Telegram арнамыздан оқыңыз!
Құрбан айт мерекесі басталғалы ел бойынша 30 мыңнан астам мал құрбандыққа шалынды. Оның 10 пайызы онлайн тапсырыспен жасалды. Қазақстан мұсылмандары діни бірлестігі, осындай хабар таратты. Сойылған малдың дені- қой. Шамамен 28 мың бас сойылған. 2300 ешкі, 1900 ірі қара, сонымен қатар 11 түйе құрбандыққа шалынған. Діни рәсімді онлайн өткізуге, яғни qurban2024.kz сайты арқылы 2000-ға жуық тапсырыс түскен. Діни басқарма өкілдерінің айтуынша құрбандық еті ел бойынша 110 мыңнан астам отбасыға, 250 мекемеге таратылған.
Оңғар Алпысбайұлы
