Солтүстік Қазақстанда бір аптада үш бала суға батып кетті

Солтүстік Қазақстанда бір аптада 3 бала суға батып кетті. Ал үш күннен бері суға кеткен 10 жастағы бала әлі іздестіріліп жатыр. Ол достарымен бірге, Есіл өзеніне шомылуға барған. Балалар тақтайға жіп байлап, суда жүзген. Сол сәтте, арқан үзіліп, жеткіншекті қатты ағыс алып кеткен. Құтқарушылармен бірге еріктілер де іздестіру жұмыстарына тартылды. Сонымен қатар, бірнеше дрон, моторлы қайық жұмылдырылған.

Ризабек Темірбеков, СҚО ТЖД азаматтық қорғаныс басқармасының аға офицері:

Петропавл қаласының Зайсан шағын ауданында бір бала батты және Тайынша ауданында екі бала қараусыз қалғандықтан суға кеткен болатын. Суға рұқсат етілмеген жерлерде орын алып тұр, осы үш оқиға.

Эльмира Кәленова