Өзбекстанда аптап ыстық басталды

Өзбекстанда аптап ыстық басталды. Әсіресе соңғы күндері сынап бағанасының көрсеткіші +40 градустан жоғары болып тұр.

Қала көшелерінде бірнеше көлік кенеттен отқа оранған. Оның бірі жолаушылар автобусы. Абырой болғанда адамдар аман. Оқыс жағдайға не себеп болғаны анықталып жатыр. Шамадан тыс ыстық әсер етуі мүмкін деген болжам да жоқ емес. Мамандар көлік иелеріне жолға шығар кезде машинаның техникалық жағдайын мұқият тексеріп алу қажеттігін ескертіп отыр. Ал Узгидромет маусым айының 17-сі мен 19-ы аралығында елдің тоғыз аймағында сел жүру қаупі бар екені туралы шұғыл хабарлама таратты.

Базаркүл Отыншиева