Шымкенттік кәсіпкер ауыл шаруашылығына бөлінген субсидияны алу үшін алаяқтық әрекетке барған. Ол сүттің бағасын арзандату туралы өтінімге жалған ақпараттар енгізіп, мемлекеттің 12 млн теңгесін қалтаға басты. Оның мұндай қулығын қалалық прокуратура әшкереледі. Кәсіпкер сауылған сиыр сүтін өңдейтін кәсіпорындарға өткізуге міндетті болған. Алайда сүтті цехтарға жібермей, әр литріне мемлекеттен 20 теңге қолдау қаржыны алып келіпті. Ол осы алаяқтық әрекеті үшін қазір сот алдында жауап беріп жатыр. Жалпы осындай тәсілмен Шымкентте бірнеше фермер субсидия қаржыны негізсіз алып келген. Олардан 24 миллион теңге өндірілді. Осы іске қатысты әкімдіктің 6 қызметкері тәртіптік жаза алды.
Ғани Қалмаханов
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Шымкенттік кәсіпкер 24 млн теңге субсидияны алаяқтықпен алған&mh_tags=Qazaqstan&mh_page=https://qazaqstan.tv/news/195308/)