Соңғы бес жылда донор саны 14,4% артқан

Соңғы бес жылда Астанадағы Трансфузиология орталығында донор саны 14,4 пайызға артқан. Ал қан құю көрсеткіші 13,6 пайызға ұлғайған. Бұл туралы сенаторлардың медициналық ұйым қызметкерлерімен кездесуінде айтылды. Еліміздегі жетекші орталықта жыл сайын 380 мыңнан астам қан құю жүргізіледі. 100 мыңға жуық пациент донорлық қан өнімдерін алады. Сенат Төрағасы Мәулен Әшімбаев медицина қызметкерлерін кәсіби мерекесі, яғни 14 маусым дүниежүзілік донорлар күнімен құттықтады.

Қарагөз Тұрмағанбет