Елімізде тұрмыстық зорлық-зомбылық 20 пайызға азайды

Тұрмыстық зорлық-зомбылық өткен жылмен салыстырғанда биыл 20%-ға азайды. Бұл туралы Ішкі істер министрлігінің өкілдері айтты. Олардың мәліметінше, бұрын қыз-келіншектер жұбайынан жәбір көрсе де шағымданбайтын. Ал соңғы 5 жылда арызданатындар жиілеген. Десе де, қылмыстық көрсеткіш азайған. Бүгіннен бастап тұрмыстық зорлық-зомбылыққа қатысты заң күшіне енеді. Енді, әйеліне қол жұмсағандар 300 мың тг көлемінде айыппұл төлейді немесе 80 сағаттық қоғамдық жұмысқа жегіледі. Ал денсаулығына жеңіл не ауыр зиян келтіргендер 3 не 8 жылға дейін бас бостандығынан айрылады.

Ақмарал Серікбаева, ҚР ІІМ Әкімшілік полиция комитетінің ерекше тапсырмалар жөніндегі аға- инспекторы:

Өткен жылмен салыстырғанда қазіргі таңда 20 пайызға азайды. Оның себебі де бар. Біз осы атқарылып отқан жұмыстардың арқасында, ақпараттандырудың арқасында және жәбірленушілердің үндемей, хабарласуларының арқасында ауыр-салдарлар азайып, алдын алу жұмыстарымен жақсы нәтижелер болып жатыр.

Динара Жарқынбек