Мәскеу биржасына қарсы салынған санкция Қазақстан нарығына әсер етпейді.
Ұлттық банк төрағасы Тимур Сүлейменов теңге бағамы үшін алаңдауға негіз жоқ екенін айтады. АҚШ бір күн бұрын Мәскеу биржасы мен оған еншілес компанияларға санкция жариялады. Осыған байланысты Ресей бүгіннен бастап доллар мен еуро саудасын тоқтатты. Ал қазақстандық KASE акцияларының 13 пайызы осы Мәскеу биржасына тиесілі. Тимур Сүлейменов бұдан рубль бағамы тұрақсызданып, теңге әлсірейді деген болжамды жоққа шығарды.
Тимур Сүлейменов, ҚР Ұлттық банк төрағасы:
Жалпы ешқандай алаңдаудың қажеті жоқ. Өйткені, қазіргі таңда біздің KASE-нің капиталында MOEX-тің үлесі 13 пайыз. Ал санкцияларға ұшырау үшін 50 проценттен астам үлесі болуы керек. Бізде 13 пайыз. Сондықтан ешқандай алаңдаудың қажеті жоқ.
Айя Мүтәлі
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Мәскеу биржасына қарсы салынған санкция Қазақстан нарығына әсер етпейді&mh_tags=Qazaqstan&mh_page=https://qazaqstan.tv/news/195180/)