Словакия үкіметтік мекемелердің алдында митинг өткізуге тыйым салмақ

Словакия премьер-министрі Роберт Фицоға жасалған қастандықтан кейін ел үкіметі митинг өткізу туралы заңға өзгеріс енгізбек. Енді Президент әкімшілігінің, Парламенттің, Үкімет үйі мен Соттың алдында наразылық акциясын ұйымдастыруға тиым салынады. Биліктегілер осылайша мемлекеттік қызметтегі лауазымды тұлғалардың қауіпсіздігін қамтамасыз етпек. Сондай-ақ, ауруханалардың, елге танымал дәрігерлер мен журналистердің үйінің жанында ереуіл ұйымдастыруға тосқауыл қоймақ. Үш партиялы коалиция заңға өзгеріс енгізуге уағдаласты. Жаңа заң жақын күндері Парламентте мақұлданданады деп күтілуде.

Нұрсұлу Қасым