Қытайда аптап ыстық: Қауіптің сарғылт түсі жарияланды

Қытай астанасы Бейжіңде үш күннен бері ауаның температурасы 40 градустан төмендемей тұр. Аптап ыстық ертең де жалғасуы мүмкін. Сондықтан қаланың метеорологиялық қызметі қауіптің сарғылт түсін жариялады. Оған сәйкес, тұрғындар далада өткізетін уақытты мейлінше қысқартуға тиіс.

Жергілікті синоптиктер, Бейжіңнің кейбір аудандарында күн күркіреп, дауыл соғуы мүмкін екенін болжады. Осыған байланысты үкімет халықты алдын ала сақтануға шақырып отыр.

Арыстан Рысбек