Петропавлда тасқыннан кейін жөндеуге жарамсыз деп танылған үйлер сүріліп жатыр

Петропавлда тасқыннан кейін жөндеуге жарамсыз деп танылған үйлер сүріліп жатыр.

Алдын ала есеп бойынша тек облыс орталығында 1600-ге жуық үй бұзылады. Бұл жұмысқа механикалық бригадалар тартылған. Ал қирандының орнына ағаш отырғызылады. Қалалық әкімдік өкілдерінің айтуынша, су басқан аймақта жаңадан құрылыс саулға тыйым салынады.

Юлия Федорук, Петропавл қаласының тұрғыны:

13 сәуір күні үйімізді толықтай су басып қалды. Орнына пәтер алуға өтініш бердік. Құжаттары рәсімделіп жатыр. Бұл шаңырақта атам мен әжем, ата-анам тұрған. Мен осы үйде тудым. Сондықтан қимастық бар.

Бірінші кезекте орнына баспана алған азаматтардың үйлері сүріліп жатыр. Ал тұруға жарамдылары жөнделеді.

Әсем Айтолла, Петропавл қалалық әкімдігінің баспасөз хатшысы:

60-қа жақын үй сүрілді. Бұл жұмыстар әлі де жалғасуда. Одан бөлек, қала тұрғындары пәтерлер алып жатыр. «Солнечный», «Бірлік» ықшам ауданында жаңа үйлер алып жатыр. Жұманың соңына дейін тағы да 47 үй тұрғындарға берілетін болады.

Эльмира Кәленова