7 мыңға жуық даулы істің жартысынан көбі сотқа жетпей шешілді

Медиация туралы заң қабылданған 4 жыл ішінде 7 мыңға жуық даулы істің 4,5 мыңы сотқа жетпей шешілді. Бұл ардагерлер ұйымы ұйтқы болған «Дәнекер» жобасының жемісі. Елордада еліміздің әр түкпірінен жиналған ардагерлер бас қосты. Жиында Президенттің «Адал адам, адал еңбек, адал табыс» идеясы талқыланды.

Жиынға ақпарат және қоғамдық даму министрі де қатысты. Президент жүктеген лудомания, нашақорлық сияқты қауіпті кеселдермен күресте қоғам жаппай жұмылуы қажеттігі айтылды. Келер жылы жеңістің 80 жылдығы. Басқосуда «Батырларға тағзым» порталының жұмысы мен алдағы мерекелік іс-шаралар жоспары талқыланды.

Ерболат Тұрымбетов, Алматы облысы ардагерлер кеңесінің төрағасы:

Алматы облысы бойынша 157000 ардагер бар. Осы ардагерлерге осы мәселені жеткізуге тырысамыз. Жаңа Қазақстан бұл жаңа таза адаммен құрылатын қоғам. Мінкей осы қоғамды бізге сенгеннен кейін аянбай, бізге осындай міндет атқарылғаннан кейін біз келесі ұрпаққа жеткізуіміз керек.