Лондонда білікті заңгерлердің апталығы өтіп жатыр

Лондонда әлемдік деңгейдегі білікті заңгерлер мен беделді компания өкілдерінің апталығы өтіп жатыр. Дүниежүзілік шара биыл 100-ден астам юрисдикцияның басын біріктірді. Оған қатысу үшін Лондонға әлемнің түкпір-түкпірінен 7000-нан астам заң сарапшысы келді.

Өз сласының майталман мамандары 150-дей шараға қатысып, күрмеулі мәселелер бойынша пікір таластырды. «Астана» халықаралық қаржы орталығының соты мен Халықаралық төрелік орталығы 6 жылдан бері осы салада жемісті еңбек етіп келеді. Олар 2 600-ден астам даулы іс қарап, 28 елден келген инвесторының сұранысын қанағаттандырған.

Кристофер Кэмпбелл-Холт, АХҚО сотының тіркеушісі және аппарат басшысы:

Қазақстан мен Еуразия елдерінің игілігі үшін жасап жатқан жұмысымыз туралы айтып бердік. Халықаралық деңгейде жоғары стандарттарға жауап беретін ұйымға айналғанымызды қуана хабарладық. Осыны түсінген инвесторлар Қазақстанмен жұмыс істеуге құлшыныс танытуда.

Марина Бекенова