Биыл туризм саласында 148 жоба жүзеге асады

Биыл туризм саласында жалпы құны 246 млрд теңгеге 148 жобаны аяқтау көзделіп отыр. Соның нәтижесінде 2500-ге жуық жаңа жұмыс орны ашылып, 6 мыңдай туристік орын жасақталады. Қазір салаға жауапты министрлік, әкімдіктерге туристік инфрақұрылым салу бойынша заңнамалық құзырет беру тетіктерін қарастырып жатыр. Фермерлерге өз жерінде агротуризммен айналысуға рұқсат беру көзделген. Бұл 10 мыңнан астам ауыл тұрғынын қосымша еңбекпен қамтуға мүмкіндік береді.

Даниел Сержанұлы, «Kazakh Tourism» ҰК» АҚ басқарма төрағасының орынбасары:

Былтырдың өзінде 33 инфрақұрылымдық жоба іске асырылған. Сомасы 131 млрд теңге. Оның арасында жолдардың өзі 200 шақырымға дейін. Қазіргі мемлекеттің негізгі фокусы – осы инфрақұрылымды дамыту, және заңнамалық деңгейде кәсіпкерлер үшін қолайлы жағдай жасау жұмысы жүріп жатыр. Осы арқылы біз инвесторларды көбірек тартуға үміттенеміз. 

Жандос Темірғали