Жаңалықтарды Telegram арнамыздан оқыңыз!Бүгін Сенат депутаттары «Масс-медиа туралы» заңды мақұлдады. Енді жаңа құжатқа сәйкес, журналистерге жалпы БАҚ саласына қатысты көптеген өзгеріс енгізілді. Әріптесім Самал Қабышева сенаттан тікелей эфирге шығып, ақпарат беруге дайын.
Самал Қабышева, тілші:
Жаңа заңның жаңалығы енді журналисті қалаған уақытта жариялаған материалы үшін сотқа бере алмайды. Бұрынғы заңда тілшінің шығарған материалына 20 жыл өтсе де, шағымдануға болатын. Енді, ондай шексіз уақыт берілмейді.Талап қою мерзімі бір жылға белгіленді. Материал жарияланған күннен бастап бір жылдың ішінде шағым түсіруге болады. Ал, ол уақыт өткеннен кейін сотқа ешкім жүгіне алмайды. Шағым қабылданбайды. Жаңа заңға сәйкес, енді мемлекеттік емес бұқаралық ақпарат құралдарына да отандық контентті дамыту үшін гранттар беріледі. Айта кетейік, осы «Масс-медиа» туралы заңнан «баспасөз картасы» мүлдем алынып тасталды. Себебі, бұл талап журналистерді алалайды, ақпаратты барлығына тең бермейді деп дау туғызған болатын. Енді, «баспасөз картасы» мүлдем болмайды.
Ал «Бұқаралық ақпарат құралдары» сөзі «Масс-медиа» сөзіне ауыстырылды. Енді бізді «МАСС-МЕДИА» өкілдері деп атайды.
Самал Қабышева
