Құлсарыда баспанасыз қалған тұрғындарға 100 үй салынып жатыр

 Нұрсұлтан Нұрсейіт, тілші:

Жұмыс қызу жүріп жатыр. Болашақ ықшам ауданында салынып жатқан тұрғын үйлердің көлемі 100 шаршы метрді құрайды. Қазір алғашқы 48 үйдің құрылысы басталған. Жаңа баспананы алуға әзірге 20 адамнан өтініш түскен. Жоба бойынша бұл үйлер 5 бөлмелі. Жұмыс күші де, құрылыс матреиалы да жеткілікті дейді мұндағылар.

Дархан Тілепберген, облыстық құрылыс басқармасының бөлім басшысы:

Қаржыландыру көзі «Қазақстан халқына» қорынан 80 проценті, ал 20 пайызы жергілікті бюджеттен. Барлық инертті материалдар, құрылыс материалдары жеткілікті. Мұнда әрбір мекемеде 50 жұмысшы қамтылған барлығы 3 участокта. Жұмысты ағымдағы қыркүйек айында тапсыру жоспарланған.

Нұрсұлтан Нұрсейіт, тілші:

Қалған үйлердің құрылысы кезең кезеңімен басталады. Жалпы, баспанасыз қалған 1800 ден астам құлсарылыққа 40 млрдқа жуық өтемақы берілген. Ал, өңірдегі жалпы ахуалға келсек, Жайық өзені 3 смге төмендеді. Жайылымға шыққан су кері Жайыққа құйылып жатыр. Салдарынан Хамит Ерғалиев тен Таңдайға қатынайтын жолды су басты. Қазір жүк көліктерінің қозғалысына шектеу қойылған.