Жаңалықтарды Telegram арнамыздан оқыңыз!Петропавлда «Таза Қазақстан» акциясы аясында тасқыннан зардап шеккен азаматтарға арналған үйлер салынып жатқан «Солнечный 2» кентінде көшеттер отырғызылды.
Бұл ағаштар балалар алаңқайының көркіне айналмақ. Сонымен қатар футбол, баскетбол, воркаут алаңдарын салу жоспарланған. Акцияға құрылыс компанияларының өкілдері мен мемлекеттік қызметшілер қатысты. Қазір аталған шағын ауданда 500 үй салынып жатыр. Жуық арада тағы 200 баспананың іргетасы қаланбақ. Құрылысқа 1 мыңнан астам адам жұмылдырылған.
Қайролла Ғалеев, құрылыс басқармасының басшысы:
Кеше 90 орынға арналған балабақшаның құрылысы басталды. «Солнечный -2» кентін абаттандыру жұмысы қызу жүріп жатыр. 5-ші маусымға қарай 50 үй өз иелеріне тапсырылады.
Эльмира Кәленова
