Органикалық өнім өндірісі туралы заң мақұлданды

Сенат депутаттары «Органикалық өнім өндірісі және айналымы туралы» заңды мақұлдады. Құжат табиғи таза өнім өндірісін арттырып, контрафактілі тауарлардың таралуына жол бермейді дейді сенаторлар. Өйткені құжатта органикалық өнімді өндіруге және таңбалауға, органикалық өнім айналымына тікелей талаптар белгіленіп, есепке алу және қадағалау жүйесін енгізу көзделген. Ауыл шаруашылығы вице-министрінің айтуынша, қазір органикалық өнімді қолдан жасап немесе табиғи таза деп жалған айтып тарататындар көп. Енді мақұлданған заңға сай, органикалық өнімдер таңбалануы керек. Тіпті, таза өнім сертификатын алуға кететін шығын мемлекет тарапынан субсидияланбақ.

Досжан Маратұлы