Маңғыстауда ескі үйлерді жөндеу жұмыстары басталды

Маңғыстауда Сайөтес ауылындағы ескі үйлерді көрделі жөндеу жұмыстары басталды.

Елдімекенде бұдан 60 жыл бұрын салынған 18 ескі үй бар. Біз бұған дейін осы баспаналардың жағдайын, тұрғындардың жан айқайын бірнеше рет көрсеткен едік. Енді мәселе шешілді. 15 үйдің шатыры, қас беті мен кіреберістері жөнделіп жатыр. Ол үшін жергілікті бюджеттен 180 миллион теңге бөлінген. Ал қалған 3 үй апатты деп танылған болатын. Олар биыл сүрілмек.

Шапай Байболатов, Сайөтес ауылының тұрғыны:

Мына төбеден су ағып тұр. Жертөлеге де су кетеді. Үйдің ішіне де су кетеді сондай. Жөндеу жұмыстары жақсы жүріп жатыр, мына үстін бәрін шифырлайды. Шкатур жасайды. Кетіп жатқан жердің бәрін майлайды, тегістейді, жөндейді. Жер төледен басқа жоғары жағының бәрін істейін деп тұр.

Ершат Эльбрус, мердігер:

Қазіргі таңда 5 үй жасалып жатыр. Қыркүйекке дейін мерзіміміз бар. Мерзімге дейін аяқталатынына кепілдік береміз. Қасбеті үйдің сырт келбеті, яғни фасады сосын шатыры. Үйді төбесі түгел ауысады. Сосын және кіреберістер дәліздер.

Аягөз Оралбайқызы