Ақтөбе облысында «Еңбек озаты» медальдары табысталды

Ақтөбеде облыстық кәсіподақтар ұйымы тасқын кезінде үйі суға кеткен 12 адамға 100 мың теңгенің сертификаттарын табыс етті.

Ал тұрғындарды қауіпсіз жерге шығарып, нөпір судың жолына бөгет салуға атсалысқан 10 адамға «Еңбек озаты» медальдары берілді. Олардың арасында волонтерлер де бар. Республикалық кәсіподақтар федерациясының өкілдері бұған дейін 179 адамның шипажайларда ем алуына жағдай жасаған.

Сатыбалды Дәулеталин, ҚР Кәсіподақтар Федерациясының Төрағасы:

Ақтөбе облысында 108 млн теңге көлемінде материалдық көмек көрсеттік. Сонымен қатар, шипажайлар бар, сол шипажайларға су тасқынынан зардап шеккен азаматтарға орын бөліп, 269 орын бөлінді. 

Жақсыбек Кемал