Ақтөбеде жаппай төбелес болып, бір адам көз жұмды

Ақтөбеде өткен түнде жастар арасында жаппай төбелес болып, ауруханаға 18 бен 22 жас аралығындағы бірнеше адам жеткізілген. Олардың бірі жан сақтау бөлімінде көз жұмды.

Жақсыбек Кемал, Тілші:

Оқиға қала сыртындағы мал базар аумағында болған. Жастар топ болып төбелесіп, арты осындай қайғылы жағдаймен аяқталып отыр. Қаза тапқан 18 жастағы жігіт шаһардағы колледждердің бірінде оқыған. Ұстаздарының айтуынша, үлгілі, мақтаулы шәкірттерінің бірі болыпты. Ол пышақ және оқ жарақатын алған. Полицейлер күдіктілердің ұсталғанын хабарлады.

Ерболат Сарқұлов, Облыстық полиция департаменті баспасөз қызметінің жетекшісі:

Полиция осы қылмысты жасады деген күдікпен төрт азаматты «ізін суытпай» анықтап, ұстады. Күдіктілер уақытша ұстау изоляторына қамалды. Адам өлтіру және бұзақылық деректері бойынша сотқа дейінгі тергеп-тексеру басталды.

Жақсыбек Кемал, Тілші:

Ауруханада қазір 8 бала жатыр. Олар оқ және пышақ жарақатын алған. Жағдайлары жақсы. Қылмыстық істі тергеу барысын облыстық Полиция департаментінің бастығы өз бақылауына алды. 

Жақсыбек Кемал,