Бельгияда сүт өндірушілер ереуілге шықты

Еуропада фермерлердің ереуілі толастар емес. Бірнеше елдің сүт өндіретін шаруалары Брюссельде наразылық акциясын өткізді. Жасанды сиыр жетектеген фермерлер Еурокомиссия ғимаратынан Еуропарламентке дейін барып, «сүт өнімдерінің құны» туралы заң қабылдауды талап етті. Қазіргі сүттің бағасы пайда таппақ түгілі, өндіріс шығынын да ақтамайды, - дейді фермерлер.

Марк Колвей, Сүт өндіру компаниясының директоры:

Бәрі қымбаттап жатыр, тек сүттің бағасы ғана көтерілмейді. Өнімдерімізді өзіндік құнынан да төмен бағаға сатуға мәжбүрміз. Шығынға әбден баттық.

Мари Готье, Фермер:

Сүт өндіру тиімсіз боп кетті. Сүт өндірушілерді қорғамаса, ЕуроОдақ тұрғындары сапасыз сүт тұтынатын болады.

Нұрсұлу Қасым