Жезқазғанда 5 жасар бала көлікпен бір топ адамды басып кетті

Жезқазғанда 5 жасар бала көлікпен бір топ тұрғынды басып кетті. 5 адам зардап шекті. Бейнебақылау камерасына түсіп қалған жазбада көлікте баланың отырғаны байқалады. Адамдарды қаққан кейін көліктің жүргізуші жағынан балақай қашып шығады. Тағы бірнеше секундтан кейін көліктен әйел түседі, ол алдымен зардап шеккендердің жанына барып, содан кейін көмекке жүгіріп бара жатқандарға қарай бет алады. Тексеріс жүргізген полицейлер, көліктің тежегіш тұтқасы алынып тасталған деп отыр. Түрлі дене жарақатымен ауруханаға 4 адам жатқызылды. Олардың өміріне қауіп жоқ, - дейді дәрігерлер.