Жаңалықтарды Telegram арнамыздан оқыңыз!Атырауда Сарыөзек каналы бойындағы шаруа қожалықтары қауіпсіз аймаққа көшіріліп жатыр. Еркінқала ауылдық округі аумағында арнаны жағалай 30 шаруа қожалығы орналасқан. Бестал ауылының маңы қауіпті болғандықтан, төтенше жағдай жарияланғаннан бері 6 шаруашылық малын көшіріп әкеткен. Ал қалған 9-ына бүгін түсіндіру жұмыстары жүргізілді. Өткен аптадан бері Махамбет және Индер аудандарында Жайық өзенінің деңгейі төмендеп келеді. Бірақ Атырау қаласында қауіп сейілмей тұр. Гидробекеттегі су деңгейі бүгін 599 см-ге жетті. Қазір жауапты мамандар бөгеттерді қосымша нығайтып, кезекшілікті күшейтті.
Нұржан Ермұханов, қала әкімінің орынбасары:Екінші бөгетімізді толықтай дайындап қойдық. Бірақ бірінші бөгеттен суды өткізбей жатырмыз. Су деңгейі бірқалыпқа келеді деп ойлаймыз. Бір, екі апта бойы сол су деңгейі ұсталады деп болжамдап отырмыз.
Нұрсұлтан Нұрсейіт
