Бангладеште миллиондаған адам жарықсыз қалды

Бангладеш пен Үндістанның жағалаудағы аудандарында қатты жел соғып, жауын құйды. Салдарынан миллиондаған адам жарықсыз қалды. Сағатына 135 шақырым жылдамдықпен соққан «Ремал» дауылынан үйлердің шатыры ұшты. Бангладеште - 800 мың, Үндістанда - 110 мың адам қауіпсіз жерге көшірілген. Қаза тапқандар туралы мәлімет жоқ. Осы циклон салдарынан Бангладеш астанасы Дакканы су басса, Үндістанның Калькуттасында 50 шақты әуе рейсі доғарылды.

Арыстан Рысбек