Көкшетауда қарғын су кірген 89 үй тұруға жарамсыз

Көкшетау қаласында қарғын су кірген 89 үй тұруға жарамсыз деп танылды. Қалған 40-ы күрделі жөндеуден өтеді. Комиссия осындай шешім қабылады. Қазір бағалау жұмыстары аяқталды. Жалпы шаһарда тасқын кезінде дүние-мүлкі бүлінген 168 адам өтемақы алуға өтініш берген. Оның барлығы бағалаушы мекемеге жіберіліп, 90-ға жуық тұрғынның шығыны анықталды. 368 адам жүз айлық есептік көрсеткіштегі біржолғы әлеуметтік төлем алған. Оларға 135 миллион теңгеден астам қаражат төленді.

Махаббат Самрат, қала әкімінің кеңесшісі :

89 үйдің иелеріне көмек көрсетіліп жатыр. Олар негізінде өздері пәтер, үй табулары керек. Қазір сол бойынша белсенді жұмыстар атқарылуда. Қазіргі уақытта 46 пәтер қарастырылды. Олардың 41-і пәтерлі болды және 5-і қоғамдық қордың қаралуында.

Ұмсындық Наурызбаева