Құлсарыда 200-ден астам тұрғын баспанасын қалпына келтіру үшін өтемақы алды

Атырау облысы Құлсары қаласының 200-ден астам тұрғыны баспанасын қалпына келтіру үшін өтемақы алды. Оның ішінде 47 отбасыға тұрғын үй салу немесе сатып алу және 162 адамға жөндеу-қалпына келтіру жұмыстары үшін қаражат берілді. Бағалау жұмыстары әлі де жалғасуда. Бүгінге дейін комиссия 1500-ге жуық үйдің бағалау қорытындысын дайындады. Қала бойынша 20 мобильді топ жұмыс істеуде. Мамандар әр үйді аралап, бүлінген мүліктің залалын анықтау және техникалық сараптама нәтижелерін түсіндіруде. Аталған жұмыстар осы аптаның соңына дейін аяқталады деп жоспарланып отыр.

Нұрсұлтан Нұрсейіт