Жаңалықтарды Telegram арнамыздан оқыңыз!
Қызылорда облысы Шиелі ауданының Қодаманов ауылында оқушылар арасындағы төбелестен бір бала қайтыс болды. Осы оқиғаға қатысты қылмыстық іс қозғалып, күдікті ретінде екі жасөспірім қамауға алынды. Оныншы сынып оқушылары төменгі сыныптың балаларына әлімжеттік көрсетіп, аяусыз ұрып-соққан. Жанжалдың неден шыққаны белгісіз. Жалпы жыл басынан бері облыста мектеп оқушылары арасындағы төбелестен үш бала қайтыс болған.
Дәулет Беркімбаев, Шиелі аудандық полиция бөлімінің бастығы:
Күдікті ретінде екі кәмелетке толмаған бала ұсталып, қамауға алынды. Оқиғаның мән-жайы анықталуда. Тергеу мүддесі үшін басқа ақпараттар жарияланбайды. Қылмыстық іс Қызылорда облыстық полиция департаменті бастығының тікелей бақылауында.
Әділбек Серікұлы
