Семейде «Саябақтар шеруі» атты көрме өтті

Семейде «Саябақтар шеруі» атты халықаралық акция шеңберінде сирек кездесетін өсімдіктер мен жан-жануарларды насихаттайтын ерекше көрме өтті. Қызыл кітапқа енген жануарлар мен өсімдіктерді мыңға жуық адам келіп тамашалады. Эко-акцияны «Семей Орманы» табиғи орман резерваты ұйымдастырды. Жалпы Абай облысы бойынша 160-тан астам өсімдік Қызыл кітапқа енген.

Ғани Алпысшалов, «Семей орманы» табиғи орман резерваты директорының орынбасары:

Қызыл кітап деп оны бекер қойған жоқпыз. Біз көрген өсімдіктер мен жануарларды жастар да көрсін, білсін деген ой біздікі. Біз жалғыз өсіп тұрған өсімдікті байқасақ оны қатаң бақылауға аламыз. Ол көбейе ме, азаяды ма бәрін бақылап отырамыз.

Ержан Жақып