Балқаш көлінің экологиялық ахуалына халықаралық ұйымдар назар аудара бастады. Жетісу облысында «Климат күте алмайды» атты Қазақстан мен Францияның бірлескен басқосуында Балқаш көлінің қазіргі жағдайы талқыланып, су айдынын сақтап қалудың жолдары қарастырылды. Форумда қонақтар жастардың климатты сақтап қалу жолындағы жобаларымен танысып, ұсыныстарын тыңдады. Жоба авторы Эстер Пейен Балқаш көлінің су ресурстары проблемаларына Сахарадағы Марокконы мысалға алып, жұртшылықтың назарын аударудың тың тәсілдерін табу керек, - дейді. Делегация осы сапарында Балқаш жағалауындағы құмдарда шаңғымен жүріп өтпек.
Эстер Пейен, «Климат күте алмайды» жобасының авторы /Франция/:
Қазақстан Францияның сенімді серіктесі. Сондықтан біз бұл елдің экологиялық мәселелеріне бей жай қарай алмаймыз. Әсіресе, Балқаш көлі Арал теңізінің тағдырын қайталамау үшін жан-жақты күш салуымыз қажет. Және біз өз ойымызды бейбітшілік елшісі - спорт арқылы жеткізетін боламыз.
Қуаныш Қанатұлы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Балқаштың экологиялық жағдайы талқыланды&mh_tags=Qazaqstan&mh_page=https://qazaqstan.tv/news/194067/)