Алматы облысында балалар үйіне азық-түлікті қымбатқа жеткізгендер анықталды. Қаржы мониторингі агенттігінің мәліметінше, қиын жағдайда қалған балаларды қолдау орталығына 140 теңге тұратын 1 бөлке нанды 354 теңгеге саудалаған. Сондағы кәсіпкердің қосқан үстемесі – 153 пайыз. Кәмелетке толмаған 120-дан аса бүлдіршін тәрбиеленетін мекемеге бұдан бөлек, қарақұмық, күнбағыс майы, қант та қымбатқа жеткізілген. Қолданыстағы заңға сәйкес, әлеуметтік маңызы бар азық-түлік құнының шекті мөлшері 15%-дан аспауы тиіс, дейді құзырлы орган өкілдері.
Қуан Нұрақын
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Алматы облысында балалар үйіне азық-түлікті қымбатқа жеткізгендер анықталды&mh_tags=Qazaqstan&mh_page=https://qazaqstan.tv/news/194021/)