Бүгін – мәдениет және өнер қызметкерлері күні

Бүгін – мәдениет және өнер қызметкерлері күні. Елімізде 8 мыңға жуық мәдениет ошағы бар. Театр, музей, кітапхана, концерттік ұйымдар, шағын өнер ордаларында 64 мыңнан астам қызметкер жұмыс істейді. Мәдениет және ақпарат министрі сала мамандарын кәсіби мерекемен құттықтады. Саладағы өзгерістерге тоқталсақ. Былтыр «Халық әртісі» құрметті атағы қайта тағайындалып, 8 көрнекті мәдениет қайраткеріне берілді. Киноөндіріс саласы да рекордтық көрсеткіштерге қол жеткізді. Бір жылда 19 жоба жасалды. Еліміздегі бір академиялық театр мен музей-қорығына «Ұлттық» мәртебе берілді. Ал соңғы 2 жылда мәдениет қызметкерлерінің жалақысы 45 пайызға өскен.

Тәуірбек Бозекен