Павлодарда синтетикалық есірткі өндірген цех анықталды

Павлодарда синтетикалық есірткі шығарып келген ірі өндіріс орны анықталды. 4 күдікті адам ұсталды. Біреуі қазақстандық және 3 шетел азаматы. Саяжай ауданындағы цехты тінту кезінде 170 келі мефедрон, 2 тонна прекурсор және есірткі дайындауға арналған жабдықтар табылды. Дайындалған есірткі көлемінің құны 4 млрд 200 млн теңге шамасында, дейді мамандар. Қылмыстық іс қозғалды.

Болат Аманбаев