Қазақстан мен Түркия арасындағы парламентаралық ынтымақтастық талқыланды

Түркия Ұлттық Мәжілісінің төрағасы Нуман Куртулмуштың ресми сапары саяси диалогты нығайтып, Қазақстан мен Түркия арасындағы парламентаралық ықтымақтастықты одан әрі дамытуға серпін береді. Мәжіліс спикері Ерлан Қошанов Астанаға ресми сапармен келген түркиялық әріптесімен кездесуде осылай деді.

Сондай-ақ елімізде мемлекеттік биліктің барлық тармағын тепе-теңдікте ұстайтын жаңа саяси жүйе қалыптасып келе жатқанын атап өтті. Мемлекет басшысының 2029 жылға қарай, халқымыздың әл-ауқатын еселеуді көздейтін жаңа экономикалық саясаты туралы да айтты. Өз кезегінде Нуман Куртулмуш, Түркия Президент, Қазақстанның саяси және экономикалық реформаларын толық қолдайтынын жеткізді.

Динара Жарқынбек