Төтенше жағдай басталғалы Құлсарыға мың тоннадан астам гуманитарлық көмек жеткізілді

Төтенше жағдай жарияланған Құлсары қаласына осы күнге дейін мың тоннадан астам гуманитарлық көмек жеткізілген. Бұл жөнінде Атырау облысындағы жедел штаб мәлімдеді. Бүгінде Жылыой аудандағы гуманитарлық көмек орталығында 60-қа жуық ерікті жүр. Олар тұрғындарға азық-түлік таратып, 500-ге жуық отбасын қажетті заттармен қамтамасыз етіп отыр.

Жанаргүл Шарғабаева, Құлсары қаласындағы еріктілер штабының жетекшісі:

Қазір 20 тонналық фурамен Атыраудан гуманитарлық көмек келді, оларды 4 пункт арқылы таратудамыз. Соның ішінде, ұн барлық тамақтар бар. Біздің қазір осы жерде 750 кг ұн болғанымен оны біз қазір бөліп-бөліп халыққа тиімді жағымен таратып жатырмыз.

Тәуірбек Бозекен